Kryetari i Prishtinës, Pëprarim Rama ka reaguar pas arrestimit të Naim Murselit, i dyshuar për vrasjen e gruas së tij, Liridona Murselit.

Rama tha se vrasja e një gruaje nuk mund të justifikohet në asnjë mënyrë, dhe se rrethanat në të cilat ka ndodhur kjo vrasje e bën edhe më të rëndë këtë rast, të shëmtuar e tragjik

“Vrasja e një gruaje nuk mund të justifikohet në asnjë mënyrë. Është një shkelje flagrante e të drejtës themelore për të jetuar.

Rrethanat në të cilat ka ndodhur kjo vrasje e bën edhe më të rëndë këtë rast, të shëmtuar e tragjik”, shkruan Rama.

Ai shkruan se drejtësia duhet vendosur dhe të gjithë të përfshirët duhet të marrin dënimin meritor

“Drejtësia duhet vendosur dhe të gjithë të përfshirët duhet të marrin dënimin meritor”, shkruan Rama.

Naim Murseli dhe Granit Plava janë arrestuar sot nga Policia e Kosovës, nën dyshimin se të njëjtit kanë bashkëpunuar për vrasjen e Liridona Murselit.

Liridona u vra mbrëmjen e së mërkurës, nga një person që u paraqit si hajn dhe kërkoi para nda familja Murseli, e cila po kthehej me veturë në shtëpi./Arbresh.info/